Гэта архіў старой версіі сайта. Новая версія знаходзіцца па адрасе catholic.by
Цэтлік [Папскія прызначэнні]
12 сакавіка 2011 г. Святы Айцец Бэнэдыкт XVI утварыў новую тэрытарыяльную адзінку ў Каталіцкім Касцёле ў Афрыцы. Дыяцэзія Кандоа ў Танзаніі паўстала з часткі тэрыторыі дыяцэзіі Дадома і была ўключана ў мітраполію Дар-эс-Салаам.
Святы Айцец Бэнэдыкт XVI прызначыў іспанскага святара Хасэ Луіса Мумбьела С’ерра біскупам дыяцэзіі Найсвяцейшай Тройцы ў Алма-Аце (Казахстан). Былы ардынарый дыяцэзіі біскуп Генры Хаванец OFM падаў у адстаўку ў сувязі з дасягненнем пенсійнага ўзросту.
1 сакавіка 2011 г. Святы Айцец у чарговы раз здзейсніў шэраг прызначэнняў. Змены закранулі і кіраўніцтва Сіра-каталіцкага Касцёла. 
26 лютага 2011 г. Святы Айцец прыняў адстаўку кардынала Насраллаха П’ера Сфеіра з пасады мараніцкага Патрыярха Антыёхіі. Заяўленне аб адстаўцы кіраўнік Каталіцкага Касцёла мараніцкага абраду склаў на рукі Бэнэдыкта XVI яшчэ ў сярэдзіне студзеня гэтага года. 
Святы Айцец прызначыў старшыню ватыканскага Упраўлення фінансавай інфармацыі — кардынала Аціліё Нікору, а таксама членаў Кіраўнічай рады. 
Праз год пасля трагічнага землятрусу ў Гаіці, які выклікаў вялізныя знішчэнні і людскія ахвяры, Святы Айцец Бэнэдыкт XVI прызначыў двух біскупаў для сталіцы краіны Порт-о-Прэнса — арцыбіскупа і дапаможнага біскупа.
«Ва ўсе эпохі Касцёл абавязвае да падпарадкавання логіцы служэння і Крыжа, сведчання аб ёй, каб сцвярджалася сапраўднае панаванне Бога, панаванне любові», — падкрэсліў Святы Айцец Бэнэдыкт XVI на кансісторыі, якая адбылася 20 лістапада 2010 г. у ватыканскай базыліцы. 24 іерархі падчас кансісторыі былі ўзвышаны Папам да кардынальскай годнасці.
Прозвішчы 24 новых кардыналаў абвясціў Святы Айцец Бэнэдыкт XVI на заканчэнне сённяшняй агульнай аўдыенцыі ў Ватыкане, а таксама прызначыў дату кансісторыі — 21 лістапада гг. 
Вядомы італьянскі ватыканіст, журналіст Андрэа Тарнэллі на старонках «Il Giornale» выказаў думку пра тое, што ў хуткім часе Святы Айцец Бэнэдыкт XVI надасць некаторым іерархам кардынальскую годнасць. Па словах Тарнэллі, адбудзецца гэта напрыканцы агульнай аўдыенцыі ў сераду 20 кастрычніка 2010 г., а праз месяц будзе склікана кансісторыя.
Бэнэдыкт XVI прыняў прашэнне арцыбікупа Агостыно Маркетто аб адстаўцы з пасады сакратара Папскай рады пастырства эмігрантаў і падарожнікаў. Ватыканскі іерарх стаў вядомым праз крытыку іміграцыйнай палітыкі ўраду Сільвіо Берлусконі.
14 ліпеня 2010 г. Святы Айцец Бэнэдыкт XVI заснаваў апостальскі экзархат Грэка-каталіцкай Сіра-Маланкарскай Царквы ў Злучаных Штатах Амерыкі. Пантыфік прызначыў таксама кс. Томаса Найкампарампіла яго першым біскупам і Апостальскім візітатарам для католікаў Сіра-Маланкарскай традыцыі ў ЗША і Еўропе. 
30 чэрвеня 2010 г. Бэнэдыкт XVI прыняў прашэнне аб вызваленні з пасады ў сувязі з узростам прэфекта Кангрэгацыі па справах Біскупаў і старшыні Папскай камісіі па справах Лацінскай Амерыкі кардынала Джаванні Батыста Рэ. На абедзве пасады прызначаны былы арцыбіскуп Квебека (Канада) кардынал Марк Куэллет. 
Бэнэдыкт XVI прыняў прашэнне аб вызваленні ад пастырскага кіраўніцтва 79–гадовага кардынала Яніса Пуятса, Мітрапаліта Рыжскага, у адпаведнасці з Кодэксам Кананічнага Права, кан. 401, § 1. З уходам на пенсію Мітрапаліт пакідае таксама пост старшыні Канферэнцыі Каталіцкіх Біскупаў Латвіі. 
19 красавіка 2010 г. — пятая гадавіна Пантыфікату Святога Айца Бэнэдыкта ХVI. За гэты час Папа здзейсніў 13 замежных падарожжаў, падчас якіх наведаў 15 дзяржаў. 26 разоў Святы Айцец падарожнічаў па Італіі і наведаў 11 рымскіх парафій. 
6 студзеня 2010 г. Святы Айцец Бэнэдыкт XVI прызначыў Апостальскім адміністратарам для армянскіх католікаў ва Усходняй Еўропе кс. Вагана Аганяна. Новапрызначаны Апостальскі адміністратар замяніў на гэтай пасадзе біскупа Нехана Каракехеяна, саступленне якога з пасады Пантыфік прыняў у гэты ж дзень.Усяго 57 матэрыялаў адзначана цэтлікам Папскія прызначэнні.
Пры выкарыстанні матэрыялаў сайта спасылка на Catholic.By абавязкова.
